თეთრი

ცარიელი კი არა, – თეთრი.

თეთრი კედლები,

თეთრი მდინარე,

თეთრი მზე,

მე თეთრი ვარ.

ცარიელი?

ცარიელი არის ხილის კალათა.

კალათამ იცის, როგორია იყოს სავსე.

ცარიელია ლომო–დიანა კამერა,

რამდენიმე თვის წინ ფირი იდო – 

ერთ დღეში გადავიღე.

ცარიელია ჩემს საწერ მაგიდაზე

გამოუყენებელი დვდ დისკები,

სახლში ახალგაყვანილი გათბობის მილი,

მამაჩემის გარაჟი,

დედაჩემის სეზონური ჩანთა,

ცარიელია კაფე,

ბლოკნოტი,

ნახევრადცარიელია ჭიქა,

ცარიელია ფოქსის საჭმლის თასი,

ცარიელია დესკტოპი.

 

 

 

 

მე – ვარ თეთრი.